Пуцін хоча адкрыць «другі фронт» у Прыазоўі
Актыўнасць тэрарыстаў і расійскіх вайскоўцаў у раёне ўкраінскага Прыазоўя сведчыць аб імкненні Пуціна прабіць калідор з «ДНР» ў Расію, каб выратаваць тэрарыстычную рэспубліку.
У Дзень Незалежнасці Украіны пуцінскія тэрарысты адрапартавалі пра «значныя поспехі» на фронце. У прыватнасці, праз пуцінскія СМІ было растыражаванае паведамленне аб захопе
горада Севераданецк на Луганшчыне і пасёлка Тэльманава на Данеччыне і пра наступ на Марыупаль і Новаазоўск.
Пазней прэс-цэнтр АТА ўсю гэтую інфармацыю абверг, але спроба тэрарыстаў актывізавацца і на самай справе мае месца. У прыватнасці, паведамляецца пра спробу наступу на сяло Аленеўка, што на трасе
Н20, якая злучае Данецк і Марыупаль. У той жа час расійскія ваенныя з уласнай тэрыторыі абстралялі памежныя пункты пропуску «Новаазоўск» і
«Амвросіеўка».
Уласна, выхад да Азоўскага мора ў раёне Новаазоўску і Марыупаля з'яўляецца жыццёва важным для тэрарыстаў «ДНР», таму што дазволіць ім атрымаць чарговую дзірку ва
ўкраінска-расійскай мяжы, як на сушы (КПП «Новаазоўск») так і на моры. Калі тэрарысты замацуюцца на Азоўскім узбярэжжы, Пуцін атрымае магчымасць пастаўляць у «ДНР»
падмацаванне прама па моры з акупаванага Крыма. Нягледзячы на наяўнасць вялікага ўчастка мяжы, які ўкраінская дзяржава не кантралюе, і праз якую пастаянна прыбывае падмацаванне да
«ЛНР», тэрарысты ў Данецку амаль адрэзаныя ад расійскіх паставак.
Таксама трэба адзначыць, цяпер няма важкіх падстаў сцвярджаць, што тэрарыстычная акупацыя рэальна пагражае Марыупалю. Увесь ход вайны ў Данбасе адбываўся па адным сцэнары — спачатку з дапамогай расійскіх наймітаў і дыверсантаў захопліваўся нейкі горад, які
не мог рэальна абараніцца праз дэмаралізаванасць і здрадніцкую міліцыю, затым тэрарысты акопваліся на захопленай тэрыторыі і, знішчаючы мясцовых жыхароў і інфраструктуру, адбіваліся ад наступу сіл
АТА столькі, колькі было магчымасці. Адзінае, што дазваляе тэрарыстам ўтрымліваць пазіцыі да гэтага часу — гэта пастаяннае падмацаванне з Расіі тэхнікай, жывой сілай, і нават абстрэлы
ўкраінскіх сіл з-за мяжы.
Аднак сітуацыя на Данбасе за некалькі месяцаў некалькі змянілася. Мясцовае насельніцтва, якое спачатку падтрымлівала «ДНР» і «ЛНР», зразумела, што нясе
Данбасу «руская вясна» — забойствы, выкраданні, катаванні, рабаванні, голад і галечу. Таму вельмі
малаверагодна, што заціснутыя амаль з усіх бакоў тэрарысты, якія ўвесь гэты час адбіваліся, прыкрываючыся мірным насельніцтвам, маюць сілы і сродкі прынцыпова змяніць тактыку і разгарнуць масіраваны
наступ і авалодаць новымі гарадамі, жыхары якіх цяпер ужо дакладна не будуць падтрымліваць, а рабіць усё магчымае, каб не дапусціць іх прыходу.
espreso.tv