Расія адпомсціла за Рагозіна: прыпыніла ўвоз свіней з Румыніі
Расія ўвяла часовую забарону на пастаўку жывых свіней і свінагадоўчай прадукцыі з Румыніі праз некалькі дзён пасля забароны на ўезд віцэ-прэм'ера РФ Дзмітрыя Рагозіна ў краіну.
Фота www.evening-kazan.ru
Пра гэта паведамляюць "РІА “Новости" са спасылкай на заяву Рассельгаснагляд.
У Расіі патлумачылі, што прычынай забароны на пастаўку жывых свіней і свінагадоўчай прадукцыі з Румыніі з'яўляецца ўспышка афрыканскай сумы свіней (АЧС) у гэтай краіне.
"Рассельгаснагляд паведамляе, што ў сувязі з рэгістрацыяй успышкі афрыканскай чумы свіней на тэрыторыі Румыніі... з 2 жніўня 2017 года ўводзяцца часовыя абмежаванні на ўвоз у Расію з усёй тэрыторыі Румыніі жывых свіней, іх генетычнага матэрыялу, свініны і сырых свіных мяккіх мясапрадуктаў, мяса дзікоў...", — гаворыцца ў паведамленні.
Акрамя таго, з 2 жніўня таксама ўводзяцца часовыя абмежаванні на транзіт па тэрыторыі Расійскай Федэрацыі жывых свіней з Румыніі, а таксама жывых свіней, якія ідуць транзітам праз тэрыторыю Румыніі ў Расію.
Нагадаем, Румынія забараніла перасячэнне яе паветранай прасторы самалёту, на борце якога знаходзіўся расійскі віцэ-прэм'ер Дзмітрый Рагозін.
Масква выказала рашучы пратэст часоваму паверанаму ў справах Румыніі ў Расіі ў сувязі з забаронай Бухарэста на пралёт самалёта.
Расійскі віцэ-прэм'ер ляцеў у Беларусь для ўдзелу ў мерапрыемствах на тэрыторыі Прыднястроўя па запрашэнні прэзідэнта Ігара Дадона.
2 жніўня Малдова абвясціла віцэ-прэм'ера РФ Дзмітрыя Рагозіна персонай нон-грата.