Расійская авіяцыя нанесла ўдар па турэцкіх вайскоўцах. Тры чалавекі загінулі

Расійскія ВПС нанеслі ракетны ўдар па турэцкіх ваенных, якія знаходзяцца на тэрыторыі Сірыі, паведаміў Генштаб Турцыі. У выніку бамбавання загінулі трое турэцкіх вайскоўцаў, 11 атрымалі раненні.

Удар быў нанесены па будынку, дзе знаходзіліся турэцкія ваенныя, размешчаым у ваколіцах сірыйскага горада Эль-Баб.
Прэзідэнт РФ Уладзімір Пуцін у тэлефоннай размове з прэзідэнтам Турцыі Рэджэпам Таіпам Эрдаганам выказаў спачуванні ў сувязі з гібеллю турэцкіх вайскоўцаў у выніку здарэння.
Пра тое, што Пуцін прынёс спачуванні Эрдагану ў сувязі з ненаўмыснага ударам расійскіх ВПС па турэцкіх вайскоўцам ў Сірыі, пацвердзіў прэс-сакратар прэзідэнта РФ Дзмітрый Пяскоў.
Па словах Пяскова, Пуцін таксама паведаміў удзельнікам нарады ў прэзідэнта РФ, што «сёння [9 лютага] рана раніцай у выніку няўзгодненасці каардынатаў пры нанясенні авіяўдараў ВПС Расіі па тэрарыстах у ходзе сумеснай аперацыі па вызваленні Эль-Баба загінулі турэцкія вайскоўцы».
24 лістапада 2015 года ВПС Турцыі збілі ў раёне сірыйскай мяжы расійскі Су-24. Пілот самалёта і расійскі марпех, які браў удзел у пошукава-выратавальнай аперацыі, загінулі. Турцыя заявіла, што Су-24 парушыў яе паветраную прастору, Расія запэўнівала, што самалёт не пакідаў неба Сірыі.
Пасля збітага Су-24 адносіны паміж РФ і Турцыяй рэзка пагоршыліся. Расія, у ліку іншага, увяла забарону на арганізаваны адпачынак сваіх грамадзян на турэцкіх курортах. Таксама быў забаронены імпарт у РФ шэрагу катэгорый турэцкіх прадуктаў і адменены палегчаны візавы рэжым для грамадзян Турцыі.
Адносіны паміж краінамі былі адноўлены ў ліпені 2016 года, калі Эрдаган накіраваў прэзідэнту РФ Уладзіміру Пуціну ліст, у якім выказаў шкадаванне з нагоды таго, што здарылася.
Турэцкія ваенныя праводзяць наземную аперацыю на тэрыторыі сірыйскай правінцыі Алепа з лістапада 2016 года. Часткай аперацыі, якая атрымала назву «Шчыт Еўфрата», з'яўляецца аблога горада Эль-Баб, які знаходзіцца пад кантролем ІД.
Паводле meduza.io