Расійскі тэлеканал «Дождж» атрымаў ліцэнзію на вяшчанне ў Нідэрландах
Медыярэгулятар Нідэрландаў выдаў расійскаму апазіцыйнаму тэлеканалу «Дождж» дазвол на камерцыйнае тэлевізійнае вяшчанне. Раней канал быў пазбаўлены ліцэнзіі ў Латвіі.
На сайце рэгулятара паведамляецца, што рашэнне прынята 22
снежня 2022 года. СМІ звярнулі на гэта ўвагу толькі цяпер, пасля таго, як пра
гэта паведаміў карэспандэнт Латвійскага радыё ў Бруселі Арцём Конахаў. «Дождж» пакуль гэта не каментаваў.
Дазвол на вяшчанне пад брэндам «Дажджу» атрымала
кампанія «TVR Studios B. V.», паведамляецца на сайце рэгулятара.
Латвійскае радыё выказала здагадку, што ліцэнзія, верагодна,
дазволіць «Дажджу» распаўсюджваць свае праграмы па кабельных тэлевізійных
сетках ва ўсіх краінах Еўрасаюза, у тым ліку і ў Латвіі.
6 снежня 2022 года латвійскі Нацыянальны савет па
электронных СМІ адклікаў у тэлеканала «Дождж» ліцэнзію на вяшчанне. Гэта
адбылося пасля таго, як вядучы Аляксей Карасцялёў сказаў у эфіры, што тэлеканал «змог дапамагчы» шматлікім расійскім вайскоўцам, якія сутыкнуліся з
парушэннямі падчас мабілізацыі. Тэлеканал «Дождж» абверг гэтую дапамогу, звольніў вядучага, а пазней вырашыў аспрэчыць адкліканне ліцэнзіі.
Паводле «Медузы».