Столтэнберг: адносіны з Расіяй — на ўзроўні халоднай вайны

Яшчэ ў 2010 годзе яна лічылася стратэгічным партнёрам НАТА.
Да канца года колькасць войскаў НАТА, якія знаходзяцца ў стане павышанай баявой гатоўнасці, плануецца давесці да 300 тысяч чалавек асабовага складу, заявіў на саміце ў Мадрыдзе генеральны сакратар блока Енс Столтэнберг.

Каб ажыццявіць гэты план, неабходна, каб краіны, якія ўваходзяць у Паўночнаатлантычны блок, выдзелілі абяцаныя сілы, падкрэсліў генеральны сакратар, але не стаў удакладняць, якія менавіта абяцанні былі дадзены і якімі краінамі.

На пытанне, ці не лічыць ён, што свет уступае ў эпоху новай халоднай вайны, Столтэнберг нагадаў, што «Расію запрашалі ўдзельнічаць у многіх мерапрыемствах, і яшчэ ў 2010 годзе яна лічылася стратэгічным партнёрам НАТА».

Аднак пасля ўварвання ў Грузію, анэксіі Крыма і развязвання ўзброенага канфлікту ў Данбасе кіраўніцтва блока адмовілася ад спроб пабудаваць з Масквой партнёрскія адносіны.

«Адносіны НАТА з Расіяй знаходзяцца на самай нізкай кропцы з часоў халоднай вайны», — прызнаў генеральны сакратар, падкрэсліўшы, што «адказнасць за гэта ляжыць на Расіі».

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: