«Твітэр» заблакаваў дарадцу Трампа за нападкі на журналістаў і гамафобію
Роджэр Стоўн — высокапастаўлены прыхільнік і дарадца перадвыбарнай кампаніі Дональда Трампа — быў заблакаваны ў «Твітэры», пасля таго як размясціў абразлівыя каментары ў адрас журналістаў.
Стоўна абвінавацілі ў парушэнні правілаў гэтай сацсеткі.
Рахунак быў заблакаваны праз некалькі гадзін пасля таго, як Стоўн апублікаваў твіт, у якім выкарыстаў грубыя і гамафобныя выразы на адрас журналістаў, у тым ліку вядучага CNN, адкрытага гея Дона Лемана.
«Твітэр» не паведамляе, заблакаваны рахунак Стоўна часова або назусім.
У 1970-я гады Стоўн быў памочнікам прэзідэнта Рычарда Ніксана, а затым стаў палітычным кансультантам.У дакументальным фільме Netflix «Дапамажы мне, Роджэр Стоўн» ён сцвярджае, што менавіта ён быў тым самым чалавекам, які пераканаў Дональда Трампа балатавацца на пасаду прэзідэнта.
Будучы дарадцам Трампа на ранніх этапах яго перадвыбарнай кампаніі, ён пакінуў гэтую пасаду ў жніўні 2015 года — пры не да канца высветленых абставінах: сам ён настойвае, што сышоў па ўласным жаданні, але Трамп сцвярджае, што Стоўн быў звольнены.
З тых часоў Дональд Трамп стараўся дыстанцыявацца ад Стоўна, нягледзячы на тое што апошні пры кожным зручным выпадку выказваўся ў падтрымку свайго былога працадаўцы.
Стоўн прысвяціў некалькі гадзін у суботу ў «Твітэры» нападкам на журналістаў CNN і New York Times — за апублікаваныя тымі матэрыялы.
Нападкі гэтыя пачаліся праз некалькі гадзін пасля таго, як CNN паведаміла пра першыя абвінавачанні, вылучаныя вялікім журы ў ходзе расследавання аб умяшанні Расіі ў амерыканскія выбары 2016 года.
На сваёй старонцы ў «Фэйсбуку» Стоўн падзяліўся тым, што «блакаванне павінна было скончыцца некаторы час таму, але яго «Твітэр» усё яшчэ не працуе».
Ён таксама дадаў: «Некаторыя СМІ распаўсюджваюць інфармацыю, што я быў заблакаваны пажыццёва, але я не атрымліваў апавяшчэнняў ад «Твітэру» на гэты конт».
Адна з тых, да каго былі адрасаваныя суботнія каментары — карэспандэнт CNN Ана Навара, — у іранічнай манеры заявіла, што ніколькі не спачувае Стоўну ў гэтай сітуацыі.
«О, якое гора! Вы ўсё чуе, як я граю яму на сваёй скрыпачцы?» — «Твітэр» Аны Навара.
Паводле bbc.com