У Бранскай вобласці — новая дыверсія на чыгунцы
Адразу тры выбухі, як 1 траўня, адбыліся сёння, 2 траўня, на чыгунцы ў Бранскай вобласці. З рэек зноў сышлі вагоны. З перакуленых вагонаў разліліся сера і салетра.
Скрыншот з відэа дыверсіі на чыгунцы ў Бранскай вобласці 2 траўня
Паводле папярэдніх звестак, дыверсія была здзейсненая недалёка ад станцыі Снежацкая ў момант праходжання грузавога саставу, які рухаўся з Бранска ў Карачаў. У выніку лакаматыў і некалькі вагонаў сышлі з рэек, але пра ўзгаранні або ахвяраў не паведамляецца. Рух цягнікоў быў прыпынены.
Расійская чыгунка (РЖД) паведамляе, што на перагоне Снежацкая — Белыя Берагі Бранскай вобласці адбылося "незаконнае ўмяшанне ў працу чыгуначнага транспарту", праз што з рэек сышоў лакаматыў і каля 20 вагонаў грузавога цягніка.
Што вядома пра новы сыход з рэек цягніка ў Бранскай вобласці?
На чыгунцы ў Бранскай вобласці зноў адбыліся адразу тры выбухі.
Кіраўнік рэгіёна Аляксандр Багамаз паведаміў, што ў раёне станцыі Снежацкая «спрацавала неўсталяванае выбуховае прыстасаванне». Людзі не пацярпелі, лакаматыў і некалькі грузавых вагонаў сышлі з рэек.
Baza піша, што выбухоўка спрацавала ў 19:48 па мясцовым часе недалёка ад станцыі Снежацкая ў момант праходжання грузавога саставу, што ішоў з Бранска на Карачаў. Гэтым разам спрацавалі адразу тры выбуховых прылады.
Паводле даных РЖД, адкрытага гарэння няма, але на месцы працуюць гарадскія пажарныя разлікі, таксама накіраваны пажарны і два аднаўленчых цягніка.
З перакуленых вагонаў на зямлю разліліся, як мяркуецца, сера і салетра. Зараз супрацоўнікі МНС астуджаюць вагоны, якія сышлі з рэек, і рэчывы, якія разліліся.
Таксама сярод 20 вагонаў, якія перавярнуліся, ёсць пустыя і з металаломам.
Нагадаем, толькі ўчора на чыгуначным перагоне Унеча — Рассуха ў Бранскай вобласці быў адноўлены рух пасля таго, як 1 траўня з-за выбуху сышоў са шляхоў і загарэўся беларускі грузавы цягнік, які вёз нафтапрадукты і піламатэрыялы.