У Лондане абвясцілі надзвычайнае становішча з-за COVID-19
На сёння на каронавірус хварэе кожны трыццаты жыхар сталіцы Вялікабрытаніі. У бальніцах ужо не хапае месцаў. Людзей настойліва просяць заставацца дома.
Нацыянальная служба аховы здароўя Вялікабрытаніі можа быць перагружаная.
Мэр Лондана Садзік Хан абвясціў аб надзвычайнай сітуацыі ў сталіцы Брытаніі
праз пагрозу перапаўнення лячэбных устаноў пацыентамі з каронавірусам. Пра гэта
Хан напісаў на сваёй старонцы ў Twitter у пятніцу, 8 студзеня, паведамляе korrespondent.net.
"Пагроза, якую гэты вірус уяўляе для нашага горада, знаходзіцца на стадыі крызісу. Кожны 30-ы жыхар Лондана цяпер хворы на COVID-19. Калі мы не прымем неадкладных дзеянняў цяпер, наша NHS (Нацыянальная служба аховы здароўя Вялікабрытаніі, — Рэд.) можа быць перагружаная і загіне больш людзей", — гаворыцца ў паведамленні мэра Лондана.
Хан дадаў, што "лонданцы працягваюць прыносіць велізарныя ахвяры", але ён "моліць" жыхароў сталіцы заставацца дома і не выходзіць без крайняй неабходнасці.