У Закарпацці дэпутат падарваў гранаты ў будынку сельсавета, дзясяткі пацярпелых
Выбух гранат адбыўся ў будынку Керэцкаўскага сельскага Савета падчас пасяджэння сесіі сёння, 15 снежня. Пацярпелі 26 чалавек.
![Дэпутат падарваў гранаты ў будынку сельсавета падчас сесіі, шмат пацярпелых. Фота: npu.gov.ua Дэпутат падарваў гранаты ў будынку сельсавета падчас сесіі, шмат пацярпелых. Фота: npu.gov.ua](/img/v1/images/3064416.jpeg?f=f&h=396&o=0&u=1715395350&w=528)
Дэпутат падарваў гранаты ў будынку сельсавета падчас сесіі, шмат пацярпелых. Фота: npu.gov.ua
У Закарпацці дэпутат падарваў гранаты ў будынку Керэцкаўскага сельсавета Мукачаўскага раёна. У выніку выбуху пацярпелі 26 чалавек, пра гэта паведамляе Нацыянальная паліцыя Украіны.
Паведамленне пра здарэнне паступіла ў 11:37.
«Сёння ў 11:37 на лінію 102 паступіла паведамленне, што ў будынку Керэцкаўскага сельскага савета Мукачаўскага раёна падчас пасяджэння сесіі адзін з дэпутатаў падарваў гранаты», — гаворыцца ў паведамленні.
Прэс-служба паліцыі дадала, што «паводле папярэдняй інфармацыі, у выніку выбуху загінуў адзін чалавек — сам дэтанатар, яшчэ 11 чалавек атрымалі раненні», — піша прэс-служба.
Пазней украінскія СМІ адзначалі, што тэрарыст знаходзіцца ў рэанімацыі, а ў выніку выбуху пацярпелі 26 чалавек, шэсць з якіх у цяжкім стане.
![У Закарпацці дэпутат падарваў гранаты ў будынку сельсавета, пацярпелі 26 чалавек. Фота: npu.gov.ua У Закарпацці дэпутат падарваў гранаты ў будынку сельсавета, пацярпелі 26 чалавек. Фота: npu.gov.ua](/img/v1/images/3064425.jpeg?f=f&h=396&o=0&u=1715395350&w=528)
У Закарпацці дэпутат падарваў гранаты ў будынку сельсавета, пацярпелі 26 чалавек. Фота: npu.gov.ua
![У Закарпацці дэпутат падарваў гранаты ў будынку сельсавета, шмат пацярпелых. Фота: npu.gov.ua У Закарпацці дэпутат падарваў гранаты ў будынку сельсавета, шмат пацярпелых. Фота: npu.gov.ua](/img/v1/images/3064424.jpeg?f=f&h=396&o=0&u=1715395350&w=528)
У Закарпацці дэпутат падарваў гранаты ў будынку сельсавета, шмат пацярпелых. Фота: npu.gov.ua
Цяпер на месцы здарэння працуюць усе профільныя службы, следча-аператыўная група паліцыі, выбухатэхнікі, крыміналісты, судмедэксперты. Працягваюцца першачарговыя следчыя дзеянні.
Пазней паліцыя распачала справу па факце падрыву гранат у сельсавеце на Закарпацці. Здарэнне кваліфікавалі як тэрарыстычны акт.
![Дэпутат-падрыўнік стаіць каля дзвярэй за некалькі секундаў да выбуху Дэпутат-падрыўнік стаіць каля дзвярэй за некалькі секундаў да выбуху](/img/v1/images/padryunik_deputat_kereckauskaha_selsaveta.jpg?f=f&h=396&o=0&u=1715395350&w=528)
Дэпутат-падрыўнік стаіць каля дзвярэй за некалькі секундаў да выбуху
Міліцыя паказала момант выбуху. Мясцовы журналіст Віталь Глагола таксама апублікаваў жорсткае відэа падрыву гранат падчас пасяджэння сельскага савета. І напісаў: «Паводле маёй інфармацыі, падрыўнік-дэпутат Керэцкаўскага сельскага савета ад партыі "Слуга народа", 1969 года нараджэння, які пражывае ў вёсцы Кушніца. На дадзены момант вядома, што падрыўнік-дэпутат жывы. На сесіі сельсавета разглядаліся пытанні прыняцця бюджэту на 2024 год».