У Францыі арыштавалі расійскую маёмасць на мільярд еўра

Расійскія актывы на 1 мільярд еўра арыштавалі па рашэнні трацейскага суда ў Гаазе па справе былых акцыянераў «ЮКАСа».



Фота ТАСС


Такую ацэнку прывялі былыя мажарытарныя акцыянеры кампаніі, перадае РБК.

Сярод іншага, арышт наклалі на грошы МІА «Россия Сегодня» і ФГУП «Госзагрансобственность», на запазычанасць кампаніі Eutelsat перад ФГУП «Космическая связь», а таксама на акцыі Eutelsat, якія кантралюе «Космическая связь».

Акрамя таго, вядома пра арышт плацяжоў кампаній Arianespace і Air France расійскім контрагентам.

У чэрвені 2014 Арбітражны суд у Гаазе запатрабаваў ад Расеі выплаціць кампенсацыю акцыянерам «ЮКАСа». Суд вызначыў памер кампенсацыі ў 50 мільярдаў даляраў. Расія адмовілася выплачваць гэтыя грошы.
 

www.racyja.com

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: