У выніку аварыі ў маскоўскім метро загінулі «каля дзесяці чалавек»

Колькасць загінуўшых у выніку аварыі на «сіняй галінцы» маскоўскага метрапалітэна ўзрасла да дзесяці чалавек. Пра гэта паведамляе ІТАР-ТАСС са спасылкай на заяву кіраўніка прэс-службы ГУ МНС па Маскве Віктара Бірукова.



«Калі казаць пра загінулых, іх мы бачым каля дзесяці чалавек», —  паведаміў ён. Бірукоў таксама паведаміў, што ў выніку інцыдэнту пацярпелі 149 чалавек, 106 з іх шпіталізаваны. Раней паведамлялася пра 120 пацярпелых і пяці загінуўшых. 
Раніцай 15 ліпеня тры вагоны з пасажырамі сышлі з рэек у 200 метрах ад станцыі «Славянскі бульвар». Па папярэдніх дадзеных, прычынай здарэння стаў рэзкі прыпынак цягніка, да якога прывяло падзенне напружання кантактнай рэйкі. Пры гэтым маскоўскія ўлады выключаюць версію пра тэракт у падземцы. Пра гэта тэлеканалу «Дождж» заявіў кіраўнік дэпартамента транспарту і развіцця дарожна-транспартнай інфраструктуры сталіцы Максім Ліксутаў.
lenta.ru