Украіна. Урад прыпыніў фінансаванне галін прамысловасці

Дзяржаўнае інвеставанне галін украінскай прамысловасці было прыпынена. Гэта вымушаны і часовыя меры.



Пра гэта паведаміў міністр эканамічнага развіцця і гандлю Павел Шарамет у эфіры Украінскага радыё, перадае "Эканамічная праўда".

"На працягу наступных шасці месяцаў дзяржава не зможа фінансаваць вытворчасць. Мы абрэзалі гэта фінансаванне, каб не скарачаць усе сацыяльныя праграмы, хоць некаторыя з іх усё ж прыйшлося паменшыць. Аднак, калі ўжо зрэзаць гэтыя капітальныя выдаткі, то варта рабіць гэта кароткатэрмінова", — сказаў Шарамет.

Разам з тым, міністр адзначыў, што ўкраінскі ўрад працягвае падтрымліваць айчынную вытворчасць і працуе над прыцягненнем сродкаў іншых краін і прыватных інвестараў.

"У вытворчасць прыцягваюцца сродкі іншых дзяржаў, і не толькі міжнародных фінансавых арганізацый. Калі стварыць добры інвестыцыйны план, добрую карцінку інвестыцыйных магчымасцяў у краіне, мы можам прыватным інвестарам з усіх краін свету, у тым ліку, і з Украінай, прапаноўваць гэтыя магчымасці. Трэба прыцягваць прыватны капітал максімальна", — падкрэсліў Шарамет.

Кіраўнік Мінэканамразвіцця рэзюмаваў, што ў будучыні дзяржаўныя гарантыі будуць прымяняцца як дзейсны інструмент, аднак важна выкарыстоўваць іх асцярожна і максімальна празрыста.