Ва Украіне забілі віцэ-мэра акупаванай Новай Кахоўкі, які перайшоў на бок РФ

Украінскія медыя паведамляюць, што калабарант пасля замаху памёр у шпіталі.

6 жніўня стала вядома аб тым, што Віталь Гура, намеснік «гаўляйтэра» Новай Кахоўкі (Херсонская вобласць), памёр у шпіталі.

Паведамляецца, што параненага Гуру не ўдалося давезці жывым у Крым — ён памёр падчас транспарціроўкі.

Гура — намеснік Уладзіміра Лявонцьева, в. а. кіраўніка акупацыйнай ваеннай адміністрацыі ў Новай Кахоўцы. Да вайны калабарант быў старастам Дняпранскай старасцінскай акругі Херсонскай вобласці. Пасля ўварвання пачаў супрацоўнічаць з прадстаўнікамі РФ.

Замах на Віталя Гуру быў здзейснены раніцай 6 жніўня, у яго стралялі з пісталета Макарава.

Імаверна, гэта зрабілі ўкраінскія партызаны, якія дзейнічаюць на акупаваных Расіяй тэрыторыях.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: