Вялікабрытанія. Спадніца як адзіная школьная форма

Тэма ўніформы для школьнікаў цікавіць не толькі кіраўніцтва Беларусі, але, як высветлілася, і брытанцаў.

Тут традыцыйна кожная школа мае свой фасон адзення. Аднак некаторым гэтага мала.

Адной з такіх аказалася дырэктар школы ў гарадку Льюіс. Яна запатрабавала ад дзяўчынак хадзіць у школу выключна ў нагавіцах, што выклікала агульнанацыянальныя дэбаты. Шмат хто пабачыў у гэтым замах на прынцыпы гендэрнай роўнасці і прыцісканне жаночай сексуальнасці.

Аднак нечакана вельмі моцна заявіла пра сябе фракцыя, якая патрабуе, каб не дзяўчынкі хадзілі ў нагавіцах, а хлопчыкі мелі права хадзіць у спадніцах. На іх думку, гэта дазволіць выпрацаваць павагу да супрацьлеглага полу.

Нягледзячы на экзатычнасць дэбатаў, выключаць варыянт таго, што ўсе вучні Брытаніі будуць хадзіць у спадніцах, нельга. Нечакана высветлілася, што ў статутах 120 школ Альбіёну хлопчыкам даецца права хадзіць на заняткі ў спадніцах.

Паводле брытанскай прэсы