ЗША да 2025 года зробяць 480 новых ядзерных авіябомбаў — амерыканскія навукоўцы

Злучаныя Штаты да 2025 года зробяць 480 новых тактычных ядзерных авіябомбаў у мадыфікацыі B61-12, вынікае з даных Федэрацыі амерыканскіх навукоўцаў.

Гэтая колькасць перавышае арсеналы ядзерных боепрыпасаў, якія ёсць у распараджэнні Кітая, Францыі, Брытаніі, Пакістана, Індыі, Паўночнай Карэі і Ізраіля.
Ядзерныя авіябомбы B61-12 з'яўляюцца мадыфікацыяй папярэдніх версій боепрыпасу B61-3, 4, 7 10 і 11. Яны прызначаны для аснашчэння стратэгічных стэлс-бамбардзіроўшчыкаў B-2 Spirit і распрацоўваных B-21 Raider, а таксама амерыканскіх і іншых натаўскіх у Еўропе.
Па розных ацэнках, у цяперашні час на еўрапейскім тэатры ваенных дзеянняў ЗША размяшчаюць ад 100 да 150 ядзерных авіябомбаў для прымянення тактычнай авіяцыяй.
Такім чынам, ЗША збіраюцца ўтрая павялічыць свой тактычны ядзерны патэнцыял. Авіяабомбы прызначаны для аснашчэння тактычных знішчальнікаў-бамбардзіроўшчыкаў F-35А, F-15E і F-16C/D, F/A-18 і Tornado ВПС ЗША і іншых краін-членаў НАТА.
Нацыянальнае ўпраўленне па ядзернай бяспецы ЗША (NNSA) на мінулым тыдні паведамляла, што вытворчасць новых ядзерных авіябомбаў была пачата ў канцы лістапада на прадпрыемстве Pantex у штаце Тэхас. Па наяўных даных, ЗША ўжо валодаюць, сама меней, дзесяццю такімі новымі боепрыпасамі.
Большая іх частка першапачаткова можа быць размешчана на кантынентальнай частцы ЗША. Потым яны паступяць на склады на авіябазах у Еўропе.
interfax.by