Жырыноўскі прапануе перакрыць Украіне Дняпро

Лідар ЛДПР Уладзімір Жырыноўскі ў Смаленску прапанаваў павярнуць раку Дняпро. Пра гэта ён заявіў падчас візіту ў Смаленск, які размешчаны ў вярхоўях Дняпра.



Па яго перакананні, змена русла ракі абязводзіць Украіну, якая абмежавала пастаўкі вады ў Крым, бо самаабвешчаныя крымскія ўлады не плацяць за яе. Воды Дняпра, па ягоным праекце, можна перанакіраваць у Дон або Дзясну, паведамляе расійская “Камсамольская праўда ў Смаленску”.

Паводле яго слоў, маскоўскія навуковыя ўстановы ўжо займаюцца распрацоўкай гэтага праекта.

Губернатар Смаленскай вобласці заявіў, што падтрымае рэалізацыю ідэі, калі ўлады прымуць такое рашэнне.