Суд у Варшаве пастанавіў не выдаваць Сцяпана Пуцілу беларускім уладам

Польская пракуратура сёння мусіла па законе разгледзець запыт беларускага боку аб экстрадыцыі заснавальніка самага папулярнага беларускага тэлеграм-канала Сцяпана Пуцілы і накіравала справу ў суд.

Суд мусіў вызначыць, ці ёсць юрыдычныя падставы для выдачы Пуцілы Беларусі, піша «Наша Ніва».

На радзіме блогера абвінавачваюць у арганізацыі масавых беспарадкаў, распальванні варажнечы і іншых злачынствах. Пуціла ўключаны КДБ у спіс асоб, датычных да тэрарыстычнай дзейнасці.

Сам блогер быў упэўнены, што суд вынесе рашэнне на яго карысць, бо ён мае міжнародную абарону і статус палітычнага ўцекача ў Польшчы.

У выніку суд у Варшаве пастанавіў не выдаваць Сцяпана Пуцілу беларускім уладам.