Беларусь выдаткавала на расійскую вакцыну супраць каронавіруса больш за $42 млн.

Закупка расійскай вакцыны супраць каронавіруса за першыя 10 месяцаў у 2021 годзе ўжо абышлося беларускім падаткаплатнікам у $42,1 млн.

Такую лічбу прыводзіць РБК са спасылкай на федэральную мытную службу Расіі.

Як сцвярджаў міністр аховы здароўя Дзмітрый Піневіч, два кампаненты вакцыны «Спутник V», як набытай у Расіі, так і разлітай у Беларусі, абыходзяцца ў $20, што азначае, што з пачатку года Беларусь завезла 4,2 млн.доз расійскай вакцыны, што дазваляе вакцынаваць 2,1 млн. чалавек. Зрэшты, Беларусь закупляла і вакцыну «Спутник лайт».

Паводле апошніх даных, апублікаваных Міністэрствам аховы здароўя Беларусі, першую дозу вакцыны супраць COVID-19 атрымалі больш за 3,97 млн беларусаў, з іх больш за 3,156 млн прайшлі поўны курс вакцынацыі.

Лідарам па колькасці закупак «Спутник V» стала Аргенціна, якая за 10 месяцаў выдаткавала на расійскую вакцыну $220 млн. На другім месцы Мексіка — $190 млн., на трэцім ААЭ —$126 млн.. Беларусь займае 9-е месца.