Масква адмовіла Мінску ў крэдыце на 3,5 мільярды долараў

Беларусь не атрымае ад Еўразійскага фонду стабілізацыі і развіцця запытаныя 3,5 мільярды долараў. Як заявіў расійскі міністр фінансаў Антон Сілуанаў, магчымасці выдаць такую суму ў фонду няма. Масква гатовая аказаць Беларусі меншую падтрымку.

Пры гэтым ён адзначыў, што Расія гатовая разгледзець запыты Беларусі аб прадастаўленні крэдытаў для рэфінансавання знешняга дзяржаўнага доўгу сінявокай.

«Мы бачым ва ўмовах абмежаванняў, якія закранулі нашага суседа, неабходнасць падтрымкі на рэфінансаванне тых даўгавых абавязацельстваў, якія ёсць у Беларусі перад знешнімі крэдыторамі, у першую чаргу, РФ. І мы тут гатовыя разглядаць прапановы беларускіх нашых калег, партнёраў па пытаннях дапамогі рэфінансавання даўгавых абавязацельстваў перад Расіяй. У якім фармаце гэта будзе, ці частка гэта будзе праз Еўразійскі фонд ці гэта будзе замеждзяржкрэдыты — гэтае пытанне мы вырашым», — цытуе кіраўніка Мінфіна РФ АФН.

Ён растлумачыў, што ў першую чаргу гаворка можа ісці аб рэфінансаванні асноўнага доўгу прыкладна ў $1 млрд у год перад Расіяй і Еўразійскім фондам стабілізацыі і развіцця (ЕФСР).

«У гэтым годзе абавязацельствы па асноўным доўгу, па целе доўгу, перад РФ і перад Еўразійскім фондам — крыху ніжэй за $ 1 млрд. і мы тут працуем з нашымі партнёрамі беларускімі аб тым, каб аказаць садзейнічанне для рэфінансавання гэтых даўгавых абавязацельстваў праз нашы крэдытныя ўзаемадзеяння з нашым суседам партнёрам, гаворка ідзе аб бягучым годзе», — удакладніў кіраўнік Мінфіна РФ.