Прагноз Сусветнага банка: ВУП Беларусі знізіцца на 6,5%, інфляцыя складзе 21,1%

Сусветны банк выпусціў абноўлены прагноз развіцця эканомік краін рэгіёну Еўропы і Цэнтральнай Азіі на 2022 год. ВУП Беларусі, паводле новай ацэнкі, Сусветнага банка, у гэтым годзе ўпадзе на 6,5%, экспарт паменшыцца на 14,2%, а імпарт — на 18,6%.

Інфляцыя ў Беларусі чакаецца на ўзроўні 21,1%, дэфіцыт плацежнага балансу бягучага рахунку ацэнены ў 0,8% ВУП, дзярждоўг складзе 36,4% ад ВУП.

У 2023-24 гадах Сусветны банк прагназуе вяртанне беларускай эканомікі да росту на ўзроўні 1,5-1,6% у год. Інфляцыя замарудзіцца спачатку да 11,9%, а затым да 7,2%.

У справаздачы Сусветнага банка адзначаецца, што прагноз мае высокую ступень нявызначанасці, звязанай з вонкавымі абставіны і залежыць ад развіцця вайны Расіі супраць Украіны.

У ім улічваюцца санкцыі ЕС ад 2 сакавіка, якія прадугледжваюць забарону на пастаўкі ў Еўрасаюз шэрагу катэгорый тавараў, уключаючы металы, прадукцыю дрэваапрацоўкі. Непасрэдна яны закранаюць 13% таварнага экспарту. З улікам спынення гандлю з Украінай рызыцы падлягаюць 30% экспарту тавараў з Беларусі. Ацэнкі Сусветнага банка не ўлічваюць транспартнае эмбарга і новыя санкцыі, уведзеныя ЕС супраць Беларусі і Расіі на мінулым тыдні.

Паводле reform.news.