Крыніцы: У Расіі прызначылі вінаватых за правал ва Украіне — гэта 5-я служба ФСБ. Афіцэраў рэпрэсуюць

Журналіст-даследчык Bellingcat Хрыста Грозеў пацвердзіў інфармацыю аб арышце былога кіраўніка 5-й службы ФСБ генерал-палкоўніка Сяргея Бяседы. Як вядома, менавіта гэта падраздзяленне напярэдадні ўварвання РФ забяспечвала Пуціна звесткамі аб палітычнай сітуацыі ва Украіне.

У інтэрв'ю Youtube-каналу «Папулярная палітыка» Грозеў таксама паведаміў, што больш за 150 афіцэраў ФСБ, якія займаліся «ўкраінскай лініяй», падвергліся «чыстцы».

«Магу сказаць, што значная частка з іх калі не арыштаваныя, то ўжо дакладна не працуюць у ФСБ. Так што чыстка дакладна прайшла. Праз пару дзён, спадзяюся, зможам апублікаваць нешта новае пра лёс гэтых людзей», — адзначыў ён.

Раней паведамлялася, што пасля двух тыдняў вайны ва Украіне Пуцін пачаў рэпрэсіі супраць так званай 5-й службы ФСБ (курыруе сувязі з замежнымі партнёрамі). СМІ пісалі, што кіраўнік службы генерал Бяседа і яго намеснік адпраўленыя пад хатні арышт. Сярод прычын называюць нямэтавае выкарыстанне сродкаў, выдзеленых на аперацыі, а таксама дрэнную выведвальную інфармацыю.

Паводле unian.net.