Уладзімір Зяленскі: У Марыупалі загінулі дзясяткі тысяч чалавек

Як перадае карэспандэнт unian.net, пра гэта прэзідэнт Украіны сказаў у сваім выступе перад парламентам Паўднёвай Карэі, які трансляваўся падчас тэлемарафона. Зяленскі таксама дадаў, што расійцы хочуць зрабіць Марыупаль «паказальна знішчаным горадам».

«Найгоршая сітуацыя ў Марыупалі... Марыупаль разбураны. Там дзясяткі тысяч загінулых. Але нават нягледзячы на гэта, расійцы не спыняюць наступальную аперацыю. Яны хочуць зрабіць так, каб Марыупаль быў паказальна знішчаным горадам», — падкрэсліў Зяленскі.

Нагадаем, што ад першых дзён вайны Марыупаль знаходзіцца ў расійскай аблозе. Горад фактычна зруйнаваны бомбамі і ракетамі РФ, там гуманітарная катастрофа і гіне шмат мірных людзей. Загінулых і памерлых часта хаваюць наўпрост у дварах дамоў.

Тым не менш абаронцы Марыупаля не здаюцца і працягваюць супраціў.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: