ЗША і іх саюзнікі вырашылі скарыстаць стратэгічныя запасы нафты

На фоне вайны Расіі супраць Украіны ў свеце паўстала сур'ёзная праблема з нафтаснабжэннем. Каб пазбегнуць крызісу прэзідэнт ЗША Джо Байдэн вырашыў адкрыць стратэгічныя запасы нафты.

Праз нестабільнасць на нафтавым рынку кошт сыравіны істотна вырас, у тым ліку і для амерыканцаў. Таму Джо Байдэн прапануе прыняць шэраг мер па дасягненню поўнай энергетычнай незалежнасці ЗША.

План прэзідэнта Байдэна прадугледжвае стымуляванне ўнутранай здабычы нафты і газу. У Белым доме чакаюць, што да канца гэтага года ўдасца павялічыць сваю здабычу нафты на 1 мільён барэляў у дзень, а да канца 2023 года яшчэ на 700 тысяч.

Асноўнай праблемай зараз з'яўляецца тое, што ў ЗША не ўсе кампаніі гатовы інвеставаць у сваю здабычу. Напрыклад, па дадзеных Белага дома, цяпер каля 9 тысяч нерэалізаваных дазволаў на здабычу нафты і газу. Таму Байдэн прапануе Кангрэсу падтрымаць увядзенне новых падаткаў за невыкарыстанне федэральных зямель, на якія ёсць афіцыйны дазвол на здабычу.

Такім чынам, у амерыканскіх кампаній будзе выбар — альбо здабываць уласную сыравіну, альбо плаціць на нявыкарыстаныя нетры.

Джо Байдэн пасля кансультацый з міжнароднымі партнёрамі заявіў аб тым, што ЗША распачнуць гістарычны крок — штодня з амерыканскіх стратэгічных рэзерваў на нафтавы рынак будуць пастаўляць 1 мільён барэляў сыравіны на працягу шасці месяцаў.

Міністэрства энергетыкі ЗША выкарыстоўвае даходы ад продажу нафты са стратэгічных рэзерваў для папаўнення запасаў сыравіны ў наступныя гады.

У Белым доме лічаць, што такі крок будзе стымуляваць ўнутраную вытворчасць і забяспечыць гатоўнасць стратэгічных рэзерваў да крытычным сітуацый.

Таксама паведамляецца пра пастаўкі нафты на рынак з рэзерваў Японіі, Брытаніі, Канады і краін Еўрасаюза.

Паводле 24tv.ua.