Актывістку прафсаюза РЭП Зінаіду Міхнюк прысудзілі да двух гадоў калоніі

Справу актывісткі Незалежнага прафсаюза РЭП разгледзелі за адзін дзень.
Актывістка Незалежнага прафсаюза РЭП Зінаіда Міхнюк

Актывістка Незалежнага прафсаюза РЭП Зінаіда Міхнюк


Затрыманую ў Дзень Волі актывістку прафсаюза РЭП Зінаіду Міхнюк прысудзілі да двух гадоў калоніі, паведамляюць прадстаўнікі прафсаюза. Яе абвінавацілі па арт. 368 Крымінальнага кодэкса Беларусі: «абраза Лукашэнкі».

Справу Зінаіды Міхнюк разгледзелі ў судзе за адзін дзень. Прысуд у судзе Ленінскага раёна Брэста вынес суддзя Андрэй Грушко.

Нагадаем, 25 сакавіка 2022 года сілавікі ўламіліся ў дом актывісткі праз акно. Яны правялі ператрус і затрымалі гаспадыню дома. У лістах з-за кратаў вязні брэсцкага СІЗА, дзе ўтрымлівалася Зінаіда Міхнюк, пісалі, што яе абвінавачваюць на аснове матэрыялаў з праслухоўвання, якое стаяла ў доме актывісткі прафсаюза РЭП.

Праваабаронцы прызналі жанчыну палітзняволенай.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: