Асацыяцыя еўрапейскіх паштовых аператараў скасавала сяброўства з «Белпоштай»

Асацыяцыя еўрапейскіх паштовых аператараў часова прыпыніла сяброўства з «Белпоштай» і «Поштай Расіі». На працы паштовых службаў гэтае рашэнне не адаб'ецца.

«Прымаючы да ўвагі вайну ва Украіне і ў выніку запыту вялікага ліку сяброў PostEurop, рада дырэктараў PostEurop вырашыла, у адпаведнасці з ўнутранымі правіламі, неадкладна прыпыніць правы Пошты Расіі і Белпошты як сяброў PostEurop», — сказана ў афіцыйнай заяве асацыяцыі.

Гэтае рашэнне будзе дзейнічаць да Генеральнай Асамблеі PostEurope, якая адбудзецца 5 кастрычніка. Тады сябры PostEurop змогуць перагледзець рашэнне — ці пакінуць яго без зменаў.

Паводле «Еўрарадыё».