БАЖ: За 10 дзён у рэдакцыях і дамах журналістаў было 63 ператрусы
У Беларусі за апошнія 10 дзён у рэдакцыях і кватэрах журналістаў адбыліся 63 ператрусы. Усяго з пачатку года іх было 107.
Офіс БАЖ апячатаны пасля ператрусу 14 ліпеня 2021 года
За 2020 год, паводле звестак Беларускай асацыяцыі журналістаў, было зафіксавана 480 затрыманняў журналістаў, 97 фактаў адбыцця адміністрацыйных арыштаў і, як мінімум і 62 факты фізічнага гвалту ў дачыненні да прадстаўнікоў медыя з 9 жніўня мінулага года, піша REFORM.by.
У 2020 годзе журналісты правялі за кратамі агулам больш за 1200 дзён.
На дадзены момант у няволі застаюцца 33 прадстаўнікі медыясферы.