Беларуская дзяржава адказала на скаргу шматдзетнай маці ў ААН

Пазіцыя ўладаў — навошта звяртацца ў міжнародны Камітэт правоў чалавека, калі ёсць выдатная беларуская пракуратура?

Алена Крэнь. Фота: "Белсат".

Праваабаронца Барыс Бухель, які прадстаўляе інтарэсы магілёўцаў у перапісцы з Камітэтам па правах чалавека ААН, атрымаў адказ беларускіх уладаў на скаргу па справе Алены Крэнь. Пра гэта паведамляе mspring.online.

Крэнь выхоўвае чацвярых дзяцей. 16 сакавіка 2017 года ёй прысудзілі штраф у 10 базавых велічынь за актыўны ўдзел у магілёўскім Маршы недармаедаў. Жанчына не пагадзілася з гэтым рашэннем і абскардзіла яго, аднак касацыйны суд пакінуў штраф у сіле.

Сумесна з Барысам Бухелем Алёна падрыхтавала скаргу і накіравала яе ў канцы мінулага снежня ў Камітэт па правах чалавека ААН.

14 красавіка з КПЧ прыйшло паведамленне, што скаргу перанакіравалі беларускім уладам, каб тыя выказалі сваю пазіцыю.

Пастаянная місія Рэспублікі Беларусь пры офісе ААН у Жэневе адмовілася прызнаваць слушнасць Алены Крэнь.

Згодна з пазіцыяй ўладаў, жанчына злоўжывае сваім правам на зварот у міжнародныя органы, бо не абскардзіла рашэнне Магілёўскага абласнога суда ў Вярхоўным судзе і пракуратуры. Апошняй беларускія ўлады асабліва ганарацца:

«Толькі ў 2017 годзе органамі пракуратуры Рэспублікі Беларусь на судовыя пастановы па справах аб адміністрацыйных правапарушэннях прынесена 3766 пратэстаў, з якіх задаволены 97%», — адзначаецца ў паведамленні.

Аднак КПЧ ААН у сваіх рашэннях раней адзначаў, што перагляд судовых рашэнняў, якія ўступілі ў законную сілу, у рамках нагляднай працэдуры не ёсць сродак прававой абароны — у пракуратуру беларусам можна не звяртацца.

Крэнь і Бухель павінны пракаментаваць адказ уладаў для КПЧ ААН не пазней за 13 верасня.

spring96.org



Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:
  • Rulon

  • 2018-07-25 16:52:35
Пока диктатор со своими прихлебаями у власти ,народ будет нищий у народа не будет ни каких прав !
  • Кастусь

  • 2018-07-26 10:43:07
Если вы нищеброд,то сами и виноваты!Работать не пробовали?Не надо за весь народ отвечать! Собрали чемодан и в Украину махнули ,там демократия и бандэровцы у власти,можно зиговать и с факелами ходить.
  • Яуген

  • 2018-07-27 11:22:39
сам работай за 300 р
  • Гектор

  • 2018-08-02 17:37:06
Ты дурак!!
  • Апошняе на сайце
,
Больш цікавага на «Новым Часе»: