Ціханоўская атрымала паведамленне пра смерць мужа-палітвязня. Гэта можа быць правакацыяй

Лідарка беларускіх дэмакратычных сіл Святлана Ціханоўская распавяла пра атрыманне паведамлення пра смерць мужа-палітвязня Сяргей Ціханоўскага, які ўжо больш за тры гады знаходзіцца ў няволі паводле прысуду па сфабрыкаванай крымінальнай справе. Таксама гэтая інфармацыя з’явілася ў некаторых тэлеграм-каналах.

Інфармацыі пра Ціханоўскага сваякі не маюць ужо чатары месяцы. Такая ж сітуацыя з іншымі вядомымі палімтвязнямі, якіх лукашэнкаўскі рэжым наўмысна памясціў у суцэльны інфармацыйны вакуум.

«Апошні раз я атрымлівала інфармацыю пра свайго мужа Сяргея 9 сакавіка. З тых часоў я нічога не ведаю пра яго. Я не атрымала ніводнага ліста, не было і ніякай камунікацыі праз адваката. Такая ж сітуацыя ў родных Віктара Бабарыкі, Марыі Калеснікавай, Мікалая Статкевіча, Паўла Севярынца, Ігара Лосіка, Максіма Знака і іншых, — напісала з гэтай нагоды палітык у сваім тэлеграм-канале. —

Гэта чарговая спроба рэжыму ціснуць не толькі на палітвязняў, якіх пазбаўляюць сувязі са знешнім светам і трымаюць у жудасных умовах, а яшчэ і на іх родных, якія вымушаныя жыць без ніякай інфармацыі пра дарагіх людзей. І якой бы моцнай і нязломнай мне б ні хацелася быць, я ўсё роўна кожны дзень перажываю за Сяргея. Вельмі цяжка жыць, калі не ведаеш, жывы твой муж ці не».

Гэта не першы выпадак, калі ў публічную прастору ўкідваюць інфармацыю пра нібыта смерць Сяргея Ціханоўскага. Такія ж звесткі былі злітыя з сеціва ў лютым. Тады гэта аказалася правакацыяй, на якую неўзабаве адрэагаваў праз адваката сам політзняволены.

«Як рэкламшчыка, мяне такі піяр задавальняе», — сказаў Сяргей.

Ці магчымы дыялог паміж катам і ахвярай?

Калі дапусціць, што цяперашні ўкід таксама з’яўляецца правакацыяй, то ён можа тлумачыцца падрыхтоўкай каманды Святланы Ціханоўскай на саміту НАТА ў Вільні і спробай запужаць палітыка.

Учора прэс-служба Святланы Ціханоўскай анансавала яе ўдзел у асобных мерыпраемствах саміта.

«Падчас Саміту НАТА пройдуць два сайд-івэнты па Беларусі, арганізаваныя Святланай Ціханоўскай», — гаворыцца ў паведамленні прэс-службы лідаркі беларускіх дэмакратычных сіл.

Адзначаецца, што ўдзел у івентах Ціханоўскай падчас саміту НАТА возьмуць удзел кіраўнікі 31 дзяржавы, а таксама міністры замежных справаў і міністры абароны краінаў — членаў Паўночнаатлантычнага альянса.

«Гэта найбуйнейшая ў гісторыі Літвы сустрэча такога рангу. Святлана Ціханоўская атрымала запрашэнне на ўдзел у публичным форуме НАТА, дзе выступіць на адным з круглых сталоў і ў мерапрыемствах, арганізаваных Атлантычнай радай», — паведамляе каманда экс-кандыдата ў прэзідэнты Беларусі.

Анансуецца, што на мерапрыемствах з удзелам Ціханоўскай будуць абмеркаваныя роля Беларусі для трансатлантычнай бяспекі і размяшчэнне ядзернай зброі ў Беларусі.

Саміт НАТА пройдзе ў Вільні 11-12 ліпеня.