Дзе ў Мінску можна атрымаць вынікі ПЦР-тэсту ў той жа дзень?

Атрыманне вынікаў ПЦР-тэсту цяпер з'яўляецца важнай умовай для тых, хто плануе выезд за мяжу. Прычым часцяком вызначальнае значэнне маюць менавіта тэрміны, калі атрыманыя вынікі захоўваюць актуальнасць. Ці можна дзесьці ў Мінску здаць ПЦР-тэст і ў той жа дзень атрымаць вынік, разбіраўся Onliner.

Як паведамляе Мінскі гарадскі цэнтр гігіены і эпідэміялогіі, у сувязі са скарачэннем тэрмінаў дзеяння ПЦР-тэстаў на COVID-19 для асоб, якія выязджаюць за мяжу, з 20 снежня ў сталіцы з'явяцца тры лабараторныя пункты, дзе вынікі такога тэсту будуць гатовыя ў дзень здачы.

Дзе здаць?

У Мінску ёсць тры лабараторныя пункты, якія так працуюць:

• пункт на тэрыторыі чыгуначнага вакзала;
• пункт на тэрыторыі аўтавакзала «Цэнтральны»;
• пункт па адрасе вуліца Петруся Броўкі, 13.

Як здаць і як атрымаць вынік?

Пры здачы тэсту да 12:00 у названых лабараторных пунктах вынік даследавання будзе выдавацца ў той жа дзень з 16:30 да 17:00.