JYSK адмовілася ад рэкламы на беларускім дзяржТБ

Нямецка-швейцарская праваабарончая арганізацыя Libereco — Partnership for Human Rights паведаміла, што дацкая кампанія JYSK спыніла рэкламу на беларускай дзяржаўнай тэлевізіі.


Актывісты таксама збіраюць подпісы пад петыцыяй з патрабаваннем да нямецкіх фармацэўтычных кампаній таксама спыніць рэкламаваць свае тавары на беларускім ТБ, піша REFORM.by.

JYSK — скандынаўская сетка крамаў рознічнага гандлю, якая ажыццяўляе продаж тавараў катэгорыі «ўсё для дома». Кампанія валодае найбуйнейшай сеткай мэблевых крам у Даніі і шырока прадстаўлена ва ўсім свеце. У цяперашні час у Беларусі налічваецца 10 крамаў JYSK, а ў Мінскім раёне знаходзіцца цэнтральны склад.

Арганізацыя Libereco правяла маніторынг рэкламы на дзяржканалах «Беларусь 1», АНТ і СТБ. Высветлілася, што на беларускім дзяржаўным тэлебачанні 58% рэкламных ролікаў належыць заходнім кампаніям, пераважна з ЗША, Германіі і Францыі.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: