Кіраўнік «Ryanair» у лісце ў дэпартамент авіяцыі Беларусі назваў інцыдэнт з самалётам «наўмысным і незаконным угонам»

Кіраўнік авіякампаніі «Ryanair» Майкл ОʼЛіры заклікаў вызваліць Рамана Пратасевіча і высветліць, хто былі  насамрэч тыя тры асобы, што сышлі з самалёта ў Мінску, паведамляе «Свабода».

Кіраўнік авіякампаніі «Ryanair» Майкл ОʼЛіры накіраваў ліст дырэктару Дэпартамента авіяцыі Беларусі, у якім назваў інцыдэнт з разваротам рэйса «Афіны — Вільня» «наўмысным і незаконным угонам», піша выданне «Wall Street Journal».

ОʼЛіры заявіў, што беларускія ўлады зрабілі хлуслівыя заявы ў сваёй справаздачы, і назваў адказных асоб мінскага аэрапорта «абструцкыяністамі».

Паводле кіраўніка «Ryanair»:

• беларускія ўлады не спрабавалі звязацца з цэнтральным офісам «Ryanair»;

• супрацоўнікі мінскага аэрапорта перашкаджалі супрацоўнікам авіякампаніі аператыўна вярнуць самалёт у неба;

• супрацоўнікі аэрапорта адмовіліся запраўляць самалёт, а пасля адмовіліся прымаць аплату паліва крэдытнай карткай;

• мінскі аэрапорт не змог даць перакладчыка на англійскую мову.

 ОʼЛіры заклікаў вызваліць Рамана Пратасевіча і высветліць асобы расіян, якія сышлі з самалёта ў Мінску. У кампаніі «Ryanair» лічаць, што гэтыя пасажыры — агенты бяспекі, датычныя да арганізацыі ўгону самалёта.