Леаніду Кулакову — новы штраф
Леаніда Кулакова абвінавачвалі ва ўдзеле ў мітынгу па абароне тэрыторыі забудовы Курапат, які адбыўся 25 лютага. А 26 красавіка актывіста чакае новы суд па пазбаўленні правоў кіроўцы.
Леанід Кулакоў пасля арышту. Фота з сайта spring96.org
У судзе
Першамайскага раёна Мінска 21 красавіка адбыўся разгляд адміністрацыйнай справы
актывіста “Еўрапейскай Беларусі” Леаніда
Кулакова. Яго абвінавацілі ва ўдзеле ў несанкцыянаваным масавым
мерапрыемстве — мітынгу па абароне тэрыторыі забудовы Курапат, які адбыўся 25
лютага.
Суддзя Дзмітрый Цыкал пастанавіў прызнаць Кулакова вінаватым у парушэнні ч.3 арт. 23.34 КаАП і пакараў штрафам у памеры 50 базавых велічынь.
26 красавіка Леаніда Кулакова чакае новы суд. На гэты раз у судзе Першамайскага раёна будзе разглядацца справа па абмежаванні права кіравання транспартным сродкам. Такая магчымасць у заканадаўстве прадугледжаная для тых, што мае запазычанасць па штрафах.
Нагадаем, што 19 красавіка Леанід Кулакоў выйшаў на волю пасля 25 сутак арышту з Цэнтра ізаляцыі правапарушальнікаў на Акрэсціна. За гэты час супрацоўнікі органаў прымусовага выканання канфіскавалі ягоны аўтамабіль за няпоўную сплату ранейшых штрафаў.