Ліст «безжурботнай Іры». Што піша з-за кратаў палітзняволеная журналістка Ірына Слаўнікава

Спойлер: шле прамяні падтрымкі з «Валадаркі».

slav20.jpg

У сваім лісце з маркай, на якой намаляваная яшчэ адна апальная гераіня — «Ева» Хаіма Суціна, вядомая журналістка жадае ўсім прыхільнікам перамен браць ад жыцця ўсё, радавацца кожнаму дню і загадваць «самыя чумачочыя жаданні», распавядае «Салідарнасць».

Ірына Слаўнікава, знаходзячыся за кратамі, чытала «Графа Монтэ-Крыста» і асацыюе сябе з галоўным героем: «Я ж таксама, тыпу, у замку :)».

Таксама піша, што цяпер «б'ецца з Хокінгам і яго "Кароткай гісторыяй часу"». Плюс замовіла Горвата, але, кажа, давядзецца пачакаць, таму што ён у «топе» ў насельнікаў «замка».

У сваім лісце блізкім палітвязняволеная падпісваецца «Ваша безжурботная Іра».

slav30.jpg

Нагадаем, Ірына Слаўнікава з'яўляецца падазраванай па артыкуле 342 КК РБ («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх»). Праваабаронцы патрабуюць неадкладнага вызвалення журналісткі і спынення ў дачыненні да яе крымінальнага пераследу.