Марына Золатава атрымала ўзнагароду «Reporter: innen-Preis 2021»

Палітвязняволеная журналістка Марына Золатава, галоўны рэдактар найбуйнейшага беларускага незалежнага парталу T*T.by, знішчанага ўладамі, атрымала ўзнагароду «Reporter: innen-Preis 2021», паведамляе БАЖ. З прамовай пра Золатаву выступіла Каця Глогер, сустаршыня арганізацыі «Рэпарцёры без межаў».

Каця Глогер адзначыла, што ўзнагарода з'яўляецца знакам глыбокай павагі да працы Марыны Золатавай як выдатнага журналіста.

«Яна ўручаецца за неўтаймоўную мужнасць Марыны і перакананасць у тым, што незалежная журналісцкая праца можа змяніць нешта да лепшага, за яе ўклад у дэмакратыю, якая немагчымая без свабоды прэсы», —сказала Глогер.

Марына Золатава з траўня 2021 года знаходзіцца ў СІЗА. Яе абвінавачваюць ва ўхіленні ад выплаты падаткаў у асабліва буйным памеры. 18 мая ДФР КДК прыйшоў з ператрусамі ў рэдакцыю T*T.by, дадому да некаторых супрацоўнікам. Доступ да партала быў заблакаваны Мінінфармам, пазней улады прызналі сайт, а таксама ўсе сацсеткі выдання экстрэмісцкімі матэрыяламі. Усяго па справе было затрымана 15 чалавек, 11 дагэтуль пазбаўленыя волі, усе яны прызнаныя палітвязнямі, адзначае reform.by.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: