Мастак Алесь Цыркуноў асуджаны на 15 сутак арышту

Яго затрымалі ў чацвер, 10 сакавіка, у Мінску перад судом па справе мастака і палітвязня Алеся Пушкіна.

Алесь Цыркуноў. Фота: radiomaria.by

Алесь Цыркуноў. Фота: radiomaria.by


Мастак Алесь Цыркуноў асуджаны на 15 сутак адміністрацыйнага арышту, паведамляюць праваабаронцы. Яго затрымалі ў чацвер у Мінску перад судом па справе мастака і палітвязня Алеся Пушкіна. Цыркунова судзілі раніцай у пятніцу. У судзе было заяўлена, што ў яго на адзенні былі бел-чырвона-белая і блакітна-жоўтая стужкі. Мастак знаходзіцца на Акрэсціна.
На 15 сутак быў асуджаны і Віталь Борыс, які таксама прыйшоў у суд над Пушкіным. Міліцыянеры знайшлі ў яго заплечніку вокладку пашпарта з гербам «Пагоня». У судзе сілавікі заявілі, што Борыс ёй... размахваў, а значыць «пікетаваў».
Паводле «Еўрарадыё».