Мінздароўя зноў выявіла больш за 8 тысяч выпадкаў COVID-19 за суткі

Міністэрства аховы здароўя Беларусі апублікавала свежыя даныя аб захворванні каронавірусам ў краіне. За суткі зарэгістравана 8254 новыя выпадкі. Усяго ж у краіне ўжо пацверджана 797 188 дыягназаў.

Выпісаныя за дзень усяго 239 пацыентаў. Агульная колькасць афіцыйна ачунялых вырасла да 783 649, піша REFORM.by.

У краіне памерлі яшчэ 15 чалавек з выяўленай каронавіруснай інфекцыяй. У афіцыйнай статыстыцы Міністэрства аховы здароўя ўжо 6190 памерлых.

У Беларусі зрабілі 12,01 млн тэстаў, у тым ліку 32 122 за суткі.