Музыкі Irdorath не выйшлі на волю праз 10 сутак

Праз 10 сутак пасля брутальнага затрымання 12 жніўня не выйшлі на волю музыкі з гурта Irdorath і іх сябры.

Зміцер Шыманскі, Уладзімір Калач, Надзея Калач, Пятро Марчанка, Юлія Марчанка (Юніцкая), Антон Шніп і Павел Шмыга, прызнаныя палітвязнямі, застаюцца за кратамі да суда, паведамляе Беларуская рада культуры ў сваім тэлеграме.

Музыкаў абвінавачваюць паводле артыкула 342 Крымінальнага кодэкса — арганізацыя дзеянняў, якія груба парушаюць грамадскі парадак, — за выступленне падчас масавых шэсцяў у Мінску ў жніўні 2020 года.