На сайце Белдзяржцырка з'явілася двухсэнсоўнае паведамленне аб рэферэндуме. Пасля ўвагі прэсы яно знікла

Учора беларускія незалежныя СМІ звярнулі ўвагу на тое, як незвычайна выглядае сайт Беларускага дзяржаўнага цырка. А сёння паведамленне аб рэферэндуме з інтэрнэт-старонкі прыбралі — гэта заўважыла «Салідарнасць».

Жадаючыя азнаёміцца з гісторыяй гэтай установы ў раздзеле «Аб цырку» адразу ж даведваліся ўсе падрабязнасці будучых палітычных кампаній. У нашых рэаліях гэта выглядала пікантна.

Аднак не прайшло і сутак з моманту публікацыі, як са старонкі цырка цалкам зніклі ўсе згадкі пра надыходзячыя кампаніі па змене Канстытуцыі.

«Цяпер сайт выглядае так. Сланы і ніякага рэферэндуму!» — падсумоўвае выданне.