«Не прайшоў цэнзуру». Андрэю Пачобуту не аддаюць лісты ад 12-гадовага сына

Следства па справе Андрэя Пачобута завяршаецца. Пасля некалькіх месяцаў зняволення ў «Жодзіне» журналіста зноў перавялі ў СІЗА ў Мінску.

Анжэліка Борыс і Андрэй Пачобутфота: Польскае радыё

Паводле афіцыйнай інфармацыі, следства ў дачыненні да Андрэя Пачобута скончыцца 25 ліпеня.

Беларускія ўлады, якія перавялі журналіста ў СІЗА ў Мінску, ускладняюць яму кантакты з сям'ёй. Адміністрацыя мінскага следчага ізалятара «Валадарка», куды на пачатку траўня быў перавезены Андрэй Пачобут, не перадае яму лісты ад сваякоў, паведамляе Gazeta Wyborcza.

Паводле жонкі Андрэя – Аксаны Пачобут, цэнзуру не праходзяць, перш за ўсё, лісты ад Ярэка — 12-гадовага сына журналіста, які піша бацьку на польскай мове. «Ён не прайшоў цэнзуру», — з такой інфармацыяй вярнуўся ліст, у якім сын апісаў канец навучальнага года.

Аксана Пачобут падкрэсліла, што лісты, якія Пачобут пісаў сыну, таксама падвяргаліся бязлітаснай цэнзуры ў турме. «Яму вярнулі тры лісты, напісаныя па-польску Ярэку. Відаць, так яму паказваюць, як у Беларусі змагаюцца з палякамі, нават калі яны сядзяць у турме», – напісала яна ў Фэйсбуку.

Паводле афіцыйнай інфармацыі, следства ў дачыненні да Анджэя Пачобута працягнецца яшчэ месяц і скончыцца 25 ліпеня. Аднак за апошні год яно ўжо некалькі разоў прадаўжаўся. У гэтым выпадку, пра магчымае завяршэнне можа сведчыць факт, што пасля некалькіх месяцаў зняволення ў «Жодзіне» журналіста зноў перавялі ў мінскі ізалятар часовага ўтрымання.

«Анджэй чакае суду і перавядзення ў калонію. Ён падазрае, што яго вяртанне ў СІЗА звязана з завяршальным этапам расследавання», – кажа Аксана Пачобут.

Gazeta Wyborcza нагадвае, Андрэй Пачобут, які зʼяўляецца не толькі журналістам, але і прадстаўніком незалежнага Саюза палякаў у Беларусі, быў арыштаваны 25 сакавіка 2021 года. Беларускія ўлады абвінавачваюць яго ў «распальванні нацыянальнай варожасці » і «рэабілітацыі нацызму». Такія ж абвінавачванні былі выстаўленыя яшчэ чатыром актывістам СПБ, у тым ліку старшыні арганізацыі Анжаліцы Борыс. Усім ім пагражае да 12 гадоў пазбаўлення волі.

З пяці абвінавачаных па «справе палякаў», сёння за кратамі трымаюць яшчэ толькі Анджэя Пачобута. Супрацоўнікі турмы пастаянна аказваюць ціск на журналіста, які ў мінулым неаднаразова крытыкаваў рэжым Аляксандра Лукашэнкі.

Польскае радыё

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: