Палітвязня Алеся Пушкіна звезлі ў гродзенскую турму

Палітзняволенага мастака Алеся Пушкіна этапавалі на строгі рэжым у гродзенскую турму, паведамляюць праваабаронцы.

Алеся затрымалі 30 сакавіка 2021 года. Яго абвінавацілі паводле двух крымінальных артыкулаў: ч. 3 арт. 130 («Наўмысныя дзеянні па рэабілітацыі нацызму, здзейсненыя групай асобаў») і арт. 370 («Здзек з дзяржаўных сімвалаў»).

Падставай для ўзбуджэння крымінальнай справы стала размяшчэнне на выставе, якая праходзіла ў памяшканні ўстановы «Цэнтр гарадскога жыцця» 19 сакавіка, партрэта ўдзельніка антысавецкага супраціву пасля Другой сусветнай вайны Яўгена Жыхара з аўтаматам на плячы аўтарства мастака Алеся Пушкіна. Паводле паведамлення пракуратуры, у ходзе выставы Алесь Пушкін «характарызаваў Жыхара як чалавека з беларускага супраціву, змагара з бальшавікамі, чым праслаўляў і ўхваляў ягоныя дзеянні».

30 сакавіка 2022 Пушкіна асудзілі да 5 гадоў зняволення ў калоніі строгага рэжыму. Адміністрацыя калоніі № 22 у жніўні пакарала мастака пяццю месяцамі ў ПКТ.

11 лістапада суддзя Івацэвіцкага раёна Аляксандр Кірыловіч пастанавіў перавесці палітвязня на турэмны рэжым тэрмінам на паўтара года.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: