Польская пракуратура расказала аб выніках расследавання інцыдэнта з самалётам Ryanair

Упраўленне па барацьбе з арганізаванай злачыннасцю і карупцыяй Нацыянальнай пракуратуры ў Варшаве курыруе расследаванне інцыдэнту з самалётам Ryanair 23 мая. Падчас расследавання былі дапытаныя пасажыры і прадстаўнікі авіякампаній, самалёт агледжаны, усе наяўныя факты зафіксаваныя. Быў усталяваны і непасрэдны сведка ўсіх падзей, паведамілі ў пракуратуры.

Падчас расследавання ў пракуратуры прыйшлі да высновы, што 23 мая ў дыспетчарскай у аэрапорце «Мінск» знаходзіўся супрацоўнік КДБ Беларусі, які і прыняў пастанову аб пасадцы самалёта ў Мінску. Паведамляецца, што ён пры гэтым быў на сувязі з яшчэ адным чалавекам, якому дакладваў аб усіх дзеяннях.

У прэс-рэлізе пракуратуры сказана, што самалёту не пагражала бомба. Паведамляецца, што пілот атрымаў інфармацыю пра пагрозу яшчэ да таго, як з'явіўся ліст пра выбухоўку, якая нібыта знаходзіцца на борце самалёта.

«Дзеянні ў аэрапорце Мінска, у тым ліку паводзіны экстраных службаў і персаналу аэрапорта, таксама сведчылі аб поўнай адсутнасці пагрозы. Уся гэтая сітуацыя была толькі падставай, каб прымусіць лётчыка прызямліцца ў Мінску», — сказана ў паведамленні пракуратуры Польшчы.

Прэс-рэліз пракуратуры пераклікаецца з учорашняй публікацыяй New York Times, у якой ішла гаворка пра авіядыспетчара, які пакінуў Беларусь і даў паказанні па справе аб самалёце Ryanair. Сёння дырэктар Дэпартамента па авіяцыі Мінтранса Арцём Сікорскі назваў гэтую артыкул укідам і дапусціў, што дыспетчар, які зараз за мяжой, мог пагадзіцца на «здзелку» пад ціскам.

Паводле reform.by.