Сілавікі зладзілі аблаву ў Драгічыне: затрымалі сама меней 10 чалавек

13 ліпеня масавыя затрыманні адбываліся не толькі ў горадзе Іванава, але і ў Драгічыне, што ў Брэсцкай вобласці, паведамляюць праваабаронцы.

На дадзены момант вядома пра мінімум 10 затрыманых. Як і ў Іванава, аблавы праводзілі ўзброеныя сілавікі разам з людзьмі ў цывільным. Былі праведзеныя ператрусы, канфіскаваныя грошы. Тых, каго не засталі дома, шантажавалі праблемамі для родных.

Частка затрыманых атрымала суткі, іншыя — штрафы.

Меркавана, сярод затрыманых — Андрэй і Ірына Малашыцкія.