Сёлета ў Нямеччыну праз Беларусь патрапілі амаль 11 тысяч мігрантаў

Колькасць мігрантаў, якім удалося прабрацца з краінаў Азіі і Афрыкі праз Беларусь у Нямеччыну, зноў вырасла, нягледзячы на ўзмоцненую ахову межаў ЕС.

Агульная лічба, згодна з паведамленнем нямецкай паліцыі, складае ўжо 10918 чалавек. Большасць з іх — жыхары Іраку.

Са студзеня па ліпень у Нямеччыну трапілі 26 чалавек з тэрыторыі Беларусі. У жніўні ўжо 474, у верасні 1903, у кастрычніку — 5285, у лістападзе — 2849, з пачатку снежня — 381 мігрант.

Нямецка-польская мяжа з'яўляецца ўнутранай мяжой шэнгенскай зоны, яе можна перайсці ў любы час і любым пункце. На фоне міграцыйнага крызісу на польска-беларускай мяжы нямецкая паліцыя ўзмацніла жорсткасць кантролю ў сваіх прымежных раёнах, але гэта не перашкодзіла некалькім тысячам чалавек прыбыць у краіну.

Паводле «Свабоды».