У NATO заявілі пра перакідванне ў Беларусь 30 тысяч салдат Расіі

Генеральны сакратар NATO Енс Столтэнбэрг заявіў аб найбуйнейшым разгортванні войскаў Расіі ў Беларусі з часоў халоднай вайны. Паводле яго звестак, Масква перакінула ў суседнюю краіну сучаснае ўзбраенне і каля 30 000 вайскоўцаў.

Расійскія ракетныя сістэмы «Іскандэр» у ходзе вучэнняў


За апошнія дні Расія перакінула ў Беларусь баявыя часткі ў колькасці каля 30 тысяч салдат і сучаснае ўзбраенне, заявіў у чацвер, 3 лютага, генеральны сакратар NATO Енс Столтэнберг. Паводле яго слоў, гэта стала найбуйнейшым ваенным разгортваннем расійскіх войскаў у Беларусі з часоў заканчэння халоднай вайны, піша DW.

Выступаючы перад журналістамі ў Бруселі, Столтэнберг удакладніў, што Масква перакінула ў суседнюю краіну, у прыватнасці, падраздзяленні спецназа, а з тэхнікі — знішчальнікі Су-35, ракетныя сістэмы падвойнага прызначэння (прызначаныя для вядзення як звычайнай, няядзернай, так і ядзернай вайны) «Іскандэр» і комплексы СПА С-400.

«Усё гэта адбываецца паралельна са штогадовымі вучэннямі ядзерных сіл РФ», — дадаў кіраўнік альянсу.


Кіеў не трывожаць расійска-беларускія вучэнні

У той жа час у Кіеве не бачаць небяспекі для Украіны ў правядзенні расійска-беларускіх вучэнняў. «Мы спадзяёмся, што знаходжанне расійскіх войскаў будзе часовым, і па заканчэнні вучэнняў яны выйдуць з тэрыторыі Беларусі, — заявіў міністр абароны Украіны Аляксей Рэзнікаў. Нашы ўзброеныя сілы, памежнікі, Нацыянальная гвардыя, паліцыя, Служба бяспекі Украіны гатовыя. Мы назіраем ва ўсіх пяці абласцях, якія мяжуюць з сяброўскай нам Рэспублікай Беларусь. Адпаведна, мы адаптаваныя да змены сітуацыі».


У Мінск адправіўся міністр абароны РФ Шайгу

Раней у той жа дзень Мінабароны РФ паведаміла, што ў рамках вучэнняў у Беларусь дастаўленая сістэма СПА далёкага дзеяння С-400 «Трыумф» і рыхтуецца заступіць на баявое дзяжурства на палігоне пад Брэстам. У паведамленні паказваецца, што гэтыя комплексы «задзейнічаныя ў праверцы сіл рэагавання Саюзнай дзяржавы».

У Мінск прыбыў расійскі міністр абароны Сяргей Шайгу, які сустрэўся з Лукашэнкам. Манеўры расійскіх і беларускіх войскаў намечаныя на 10-20 лютага.

Захад уважліва сочыць за ваеннымі дзеяннямі Масквы на фоне нарошчвання расійскіх войскаў ля мяжы з Украінай, асцерагаючыся ўварвання ў гэтую краіну. Паводле звестак заходніх спецслужбаў, у рэгіёнах ля межаў Украіны могуць знаходзіцца да 120 тысяч вайскоўцаў РФ. Цэлая серыя перамоў з Масквой на розных пляцоўках у студзені не прывяла ні да якога выніку.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: