З палітвязня, які не адпрацаваў размеркаванне, суд пастанавіў спагнаць грошы

Якаў Шафарэнка скончыў Брэсцкі прафесійны ліцэй будаўнікоў. Паколькі хлопец навучаўся бясплатна, то быў размеркаваны на адпрацоўку ў адну арганізацыю. Вядома, што Якаў знайшоў іншую фірму, куды папрасіў яго направіць — але ж да працы там не здолеў прыступіць: быў затрыманы.

З 20 снежня 2020 года Якаў за кратамі, нагадваюць праваабаронцы. Яго асудзілі да 5,5 гадоў калоніі з-за ўдзелу 10 жніўня 2020 ў акцыі пратэсту ў Брэсце.

У траўні 2022 года Маскоўскі суд Брэста разгледзеў пазоў пракурора П. Маўляў, хлопец не адпрацаваў размеркаванне, таму яму б трэба кампенсаваць 3605 рублёў у дзяржаўны бюджэт.

Суддзя Пётр Баброўскі пастанавіў: задаволіць пазоў на 3605 рублёў, а да таго ж спагнаць з Шафарэнка 180.25 рублёў дзяржаўнай пошліны.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: