За заклікі лічыць галасы сумленна палітвязняў асудзілі да трох гадоў калоніі

У судзе Маскоўскага раёна Мінска агучылі прысуд палітвязням Аляксею Хількевічу і Раману Лабанаву, паведамляюць праваабаронцы.


Суддзя Кацярына Мурашка прызнала іх вінаватымі паводле ч. 2 арт. 191 Крымінальнага кодэкса. Мужчын асудзілі за рассылку лістоў выбарчым камісіям з заклікам лічыць галасы выбаршчыкаў на рэферэндуме сумленна і прызначылі пакаранне: па тры гады пазбаўлення волі ў калоніі агульнага рэжыму. Як сродкі здзяйснення злачынства канфіскаваныя тэлефоны палітвязняў.

Хількевіч мусіць выплаціць працэсуальныя выдаткі ў памеры 2754 рублі 2 капейкі. Лабанаў — 560 рублёў 18 капеек. Капэрты, каробкі, лісты паперы з тэкстам, паштовыя маркі з матэрыялаў справы мусяць быць знішчаныя.

Вядома, што Хількевіч быў затрыманы 17 лютага, а Лабанаў — 18 лютага 2022 года.

Нагадаем, 23 жніўня прысуд па гэтым жа артыкуле агучылі ў судзе Маскоўскага раёна Брэста. 18-гадоваму палітвязню-першакурсніку Раману Карпуку прысудзілі тры гады пазбаўлення волі ў калоніі агульнага рэжыму за адпраўку 99 лістоў членам камісій па рэферэндуму ад імя «палітычных» суддзяў. «Я хацеў, каб рэферэндум прайшоў справядліва і па законе», — казаў ён.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: