Заяўкі на атрыманне расійскага пашпарта падалі толькі 18 адсоткаў крымчан

Паводле дадзеных кіраўніка Федэральнай міграцыйнай службы Расіі Канстанціна Рамаданаўскага, у дадзены момант больш за 350 тысяч жыхароў паўвострава падалі дакументы, неабходныя для атрымання грамадзянства РФ.



Ілюстрацыя з блога Алега Панфілава

— 150 тысяч пашпартоў накіравана на выдачу, а ўсяго ў дадзены момант выраблена 250 тысяч бланкаў, — заявіў чыноўнік па прыбыцці ў Крым.
 

Як паведамляе прэс-служба ФМС, Рамаданаўскі пабываў у Сімферопалі і Севастопалі і пракантраляваў выдачу пашпартоў Расіі грамадзянам Украіны.
 

Дарэчы, па дадзеных Крымстата па стане 1 сакавіка 2014 колькасць пастаяннага насельніцтва рэспублікі склала 1.957.801 чалавек, гэта значыць, што дакументы на атрыманне пашпартоў РФ падалі толькі каля 18 % насельніцтва.

Паводле donbass.ua