Замежныя дыпламаты напісалі лісты беларускім палітвязням

Дыпламаты краін Еўрасаюза і ЗША ў Дзень палітвязня ў Беларусі напісалі лісты салідарнасці беларускім палітвязням, паведамляе амбасада Швецыі ў Беларусі.

Дыпламаты выказваюць салідарнасць з палітвязнямі і чарговы раз патрабуюць ад беларускіх уладаў вызваліць іх і спыніць палітычныя рэпрэсіі супраць грамадзян Беларусі.
Беларускія праваабаронцы аб’явілі 21 траўня Днём палітвязня ў Беларусі. У гэты дзень год таму ў шклоўскай калоніі №17 пры нявысветленых абставінах памёр палітвязень Вітольд Ашурак.

На сённяшні дзень у Беларусі за кратамі застаюцца 1204 палітвязні (паводле праваабаронцаў «Вясны»). Ініцыятыва Dissidentby налічвае 1464 палітычных зняволеных, сярод якіх — 184 жанчыны, 10 непаўналетніх і 450 былі асуджаныя на «хатнюю хімію». Гэта беспрэцэндэнтная сітуацыя ў гісторыі Беларусі. Праваабаронцы патрабуюць вызвалення палітвязняў і спынення палітычных рэпрэсій.

Паводле РС.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: