Анджэліна Джалі падала ў суд на ФБР з нагоды закрыцця справы аб нібыта гвалце Брэда Піта

Акцёрка сцвярджае, што Піт напаў на яе і іх сына ў 2016 годзе. Пра гэта паведамляе Variety.

Згодна са справаздачай, некалькі гадоў таму Джалі сказала агенту ФБР, што Піт«фізічна і слоўна нападаў» на яе і іх сына, калі яны былі ў самалёце.
Здарэнне адбылося ў 2016 годзе. Затым нецвярозы Піт нібыта адвёў Джалі ў заднюю частку самалёта, схапіў яе за плечы і закрычаў нешта накшталт: «Ты разбураеш гэтую сям'ю». Джолі сцвярджала, што на тым самым рэйсе адбылася іншая фізічная сварка, у выніку якой яна атрымала траўму локця. Яна таксама сказала, што Піт абліў яе півам. Тады ў сварку ўмяшаўся 15-гадовы Мэдакс, Піт ужыў супраць яго сілу. Прадстаўнікі Піта адмаўляюць усе абвінавачанні.
Пазней пракуратура прыйшла да высновы, што не будзе ўзбуджаць крымінальныя справы супраць Піта, што заахвоціла Джолі ананімна падаць пазоў супраць ФБР у адпаведнасці з Законам аб свабодзе інфармацыі, каб атрымаць дакументы, звязаныя з федэральным расследаваннем Піта.
Згодна са скаргай Джалі, у якую ў жніўні былі ўнесеныя змены, утойванне ФБР інфармацыі «перашкаджала і працягвае перашкаджаць яе намаганням забяспечыць сваім дзецям пастаянны догляд і медыцынскую дапамогу, у якіх яны маюць патрэбу, і яшчэ больш нанесла шкоду дзецям у адпаведнасці з сямейным заканадаўствам».
Неўзабаве пасля здарэння ў 2016 знакамітая пара развялася, а Піт публічна кінуў піць. Ніякіх абвінавачанняў супраць Піта не выстаўлена.