Сёння адбудзецца прэм'ера фільма «Праз рэйкі». Яго ў сацсетках рэкламуюць вядомыя беларусы

Аўтары адзначаюць, што «Праз рэйкі» — фільм пра час пералому, студэнцтва, транспарт,
эміграцыю і лакальныя апакаліпсісы. Дакументалку ў сацсетках прасоўваюць вядомыя беларусы — Лявон Вольскі, Аляксандра Герасіменя, Кацярына Сныціна, Мікіта Мелказёраў і іншыя.

«Дакументалка пра пераломны час для Беларусі і шасці герояў — беларускіх студэнтаў, а таксама для гораду, у якім яны апынуліся, — гаворыцца ў апісанні да фільма. — «Праз Рэйкі» распавядае пра злом і трансфармацыю, паказвае той час, якога дагэтуль не было і ўжо не будзе.

Героі фільму — беларускія студэнты розных лёсаў і ўніверсітэтаў, і ўсе яны звязаныя месцам, у якім апынуліся — постіндустрыяльным і постапакаліптычным горадам Лодзь».

Фільм зняты камандай Lodka Production — беларускай кінастудыяй у Польшчы, якую заснавалі рэжысёр Антось Сівых і прадзюсер Ірына Паўловіч.

«Гэта фільм, які не забірае, а дае, — лічаць аўтары. — Расповед пра цяжкія падзеі з незвычайнай кропкі погляду».

Прэм'ера — сёння, 16 ліпеня, а 20-й гадзіне па мінскім часе (19:00 па Варшаве).

Паглядзець «Пра рэйкі» можна будзе па спасылцы.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: